Your search results

隔離屋潘生係我老公

Posted by Teddy Lam on January 19, 2018
| 0

隔離屋潘生係我老公

呢個年頭香港怪事特別多,呢期熱賣,當然係“隔離屋潘生係我老公啦”(°ο°)

潘先生作為一個專業人士,娶咗一個專業中嘅專業太太,天生一對,可喜可賀 ,

並且有共同興趣….. 空間大改造!

其實呢個興趣,都唔係佢地先有, 呢個係所有香港人嘅興趣, 因為香港每納米值萬金, 試想像下, 你喺山頂獨立屋天台加建一層 ,地牢挖空佢, 呢個空間大改造, 加多一千呎 ,每呎十萬蚊, 就為業主創造一億嘅財富 ,比起中六合彩還要容易 ,所以某程度上 ,大家都接受空間大改造的觀念。 我們日常遇到的物業買賣 ,經常碰到僭建嘅問題 ,最常見嘅僭建, 就係張天台 ,加建一層, 露台或平台封閉, 爭取最大室內空間; 在一些獨立屋建築 ,這些空間大改造更加有創意 ,例如在樓梯底, 車房, 地基挖空加建健身房,兒童遊樂室 ,工人房雜物房,桌球室 ……..再唔係, 起個泳池都唔錯 ,所以你話, 僭建呢樣野係咪好可愛呢? 簡直魅力沒法擋!

好耐以前 ,啲買家聽到話有僭建, 好似見鬼咁樣! 又驚銀行唔借 ,又驚要負責拆除還原, 但講緊當時樓價三千蚊呎, 一成首期 ,對一個買百多万樓價的買家, 確實係一個惡夢。 但係今時今日, 樓價隨便都要兩萬蚊一呎 ,加上按揭成數得五成 ,搵到一間僭建樓, 簡直天大喜訊 ,我絕對唔係誇張 ,基本上 近年買家絕大部分都接受僭建 ,第一 :物業市場從來都係業主市場, 買家的選擇就係買同吾買 ,如果一個買家要求業主還原僭建出售幾乎係冇可能, 所以一般物業買賣都會定明 ,以現狀出售, 即是係你見到乜就買乜 ,不能踢契, 亦都暗示買家已經接受呢啲僭建 ;第二: 如上面伸述, 大部分買家都歡迎這種創造的空間 ,因為可能多個書房或者健身房。

還記得十多年前處理一單交易, 當時買家係大狀 ,物業樓價大約600萬 ,實用呎數大約千三呎, 物業是一棟三十年的舊樓 ,屋苑內多數單位都有不同程況的僭建,而這個單位就將封閉窗台 ,打開做了一個露台, 最後大狀同我解釋, 呢個露台係僭建出嚟, 同佢原來嘅expectation有出入 ,令佢情感受到創傷, 所以要取消買賣, 當然業主亦都樂意取消買賣 ,因為最後賣多50萬 ,今日大狀如果知道呢個物業升值到二千七百萬 ,我相信他的情感會更加受傷!

Leave a Reply

Your email address will not be published.